Берилген микрокредиттердин 61%дан ашыгы керектөө муктаждыктары үчүн алынды
Басылмалардын датасы: 26.05.2025
Үстүбүздөгү жылдын I кварталында микрокредиттерди берүүчү уюмдар тарабынан 19 млрд. сом суммасына жакын кредиттер берилди, мында алуучулардын саны 343 миңге жакын адамды түздү. Микрокредит алган калктын саны өткөн жылдын тийиштүү мезгилине салыштырганда 30,5%га, ал эми берилген микрокредиттердин көлөмү - 39%га көбөйдү.
I кварталда калкка микрокредиттердин берилиши
Микрокредиттерди алуучулардын басымдуу саны Бишкек ш. (алуучулардын жалпы санынын 38%ы), Ош (14,5%ы), Жалал-Абад (12%га жакын) жана Чүй облустарына (10%дан ашык) туура келди. Ошол эле учурда микрокредиттердин олуттуу суммасы Бишкек ш. (берилген микрокредиттердин жалпы көлөмүнүн 27%ы), Ош облусунун (16%дан ашык), Жалал-Абад (14%ы) жана Чүй облустарынын (13%дан ашык) алуучуларына берилди.
Калкка берилген микрокредиттердин жалпы көлөмүнүн 61,5%ы керектөө муктаждыктарына алынган, бул өткөн жылдын январь-мартына салыштырмалуу 12,2 пайыздык пунктка көп.
Айыл чарбасындагы ишмердикти өнүктүрүүгө берилген микрокредиттердин үлүшү 17%га жакындады, соода жана коомдук тамак-аш чөйрөсүндө - 10%дан ашты.
I кварталда калкка микрокредиттердин максаттар боюнча берилиши
(микрокредиттердин жалпы көлөмүнө карата пайыз менен)
___________________________________________________________________________________
Финансы жана баалар статистикасы башкармалыгы |e-mail: m.abdukadirova@stat.kg; |тел. + 996 (312) 626073, 625591
Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме көрсөтүүгө милдеттүү ("Расмий статистика жөнүндө" Кыргыз Республикасынын Мыйзамынын 30-беренеси).
