Улутстаткомдо ГМС боюнча семинар: статистикалык маалыматтардын мейкиндик өлчөмү
Басылмалардын датасы: 05.02.2025
3-7-февралда Улутстаткомдо геомаалыматтык системаларды (ГМС) окутууга арналган семинар өтүүдө. Геомейкиндиктик маалыматтар боюнча семинарды эл аралык эксперт Алессандро Чимбелли өткөрүүдө. Иш-чара квалификацияны жогорулатуу жана ГМСти статистикалык анализде натыйжалуу пайдалануу, ошондой эле кыйла так жана актуалдуу маалыматтарды иштеп чыгуу максатында Улутстаткомдун жана ведомствого караштуу уюмдардын кызматкерлери үчүн уюштурулган.
Семинардын жүрүшүндө төмөнкүдөй негизги темалар каралат:
-
Статистикада ГМСти колдонуунун эл аралык тажрыйбасы: статистикалык институттардын тажрыйбасынан ийгиликтүү мисалдарды изилдөө.
-
ГМС инструменттери менен иштөөнүн негиздери: QGIS жана ArcGIS сыяктуу негизги программалар менен таанышуу.
-
Геомейкиндиктик веб-кызматтарын колдонуу: Маалыматтарды талдоо үчүн онлайн кызматтарын колдонуу.
-
Маалыматтарды өзгөртүү: координаттар системалары (CRS) менен иштөө жана QGIS проекцияларын жана маалыматтарын редакциялоо.
-
Геомейкиндиктик маалымат карталарын түзүү: статистикалык анализди өркүндөтүүгө өбөлгө түзгөн карталарды түзүүнү үйрөнүү.
-
Маалыматтарды башкаруу жана иштетүү стратегиялары: ГМС муктаждыктарын жана геомейкиндиктик маалыматтарды визуалдаштыруу жана иштетүү стратегияларын талкуулоо.
Семинар катышуучуларды статистикалык маалыматтын сапатын жакшыртуу жана маалыматтардын тактыгын жогорулатуу үчүн ГМСти натыйжалуу пайдаланууга үйрөтүүгө багытталган. Семинардын жүрүшүндө катышуучулар статистикалык өндүрүштө геомейкиндиктик маалыматтардын ролун жакшыраак түшүнүүгө жана мамлекеттик саясатта негизделген чечимдерди кабыл алууга жардам бере турган көндүмдөрдү өнүктүрүшөт.
