Бактыбек Кудайбергеновдун Кыргыз Республикасынын милиция кызматкерлеринин күнү менен куттуктоосу
Publications: 01.11.2025
Кыргыз Республикасынын ички иштер органдарынын кымбаттуу кызматкерлери жана ардагерлери!
Сиздерди кесиптик майрамыңыздар менен чын жүрөктөн куттуктайбыз!
Бул күн – эрдиктин, ар-намыстын жана милдетке берилгендиктин символу. Сиздер күн сайын жарандарыбыздын тынчтыгын сактоо, алардын өмүрүн, укуктарын жана коопсуздугун коргоо боюнча жооптуу кызмат өтөйсүздөр.
Сиздердин ишиңиздер чыдамкайлыкты, күчтүү рухту жана зор жоопкерчиликти талап кылат. Сиздердин эмгегиңиздердин аркасында өлкөдө тартип жана адамдардын мыйзам тарабынан корголушуна ишеним сакталууда.
Сиздердин кесипкөйлүгүңүздөр жана каармандыгыңыздар ар дайым Ата Мекенге кызмат кылуунун үлгүсү болсун. Сиздерге чың ден соолук, туруктуулук, үй-бүлөңүздөргө бакубат жашоо жана кызматыңыздарда жаңы ийгиликтерди каалайбыз!
Урматтоо менен,
Бактыбек Кудайбергенов
